I dërguari i Shteteve të Bashkuara të Amerikës për Ballkanin Perëndimor, Gabriel Escobar ndodhet për vizitë në Maqedoninë e Veriut në përpjekje për të bindur opozitën maqedonase që të mbështesë ndryshimet kushtetuese, të cilat janë kusht për integrimin në Bashkimin Europian. Në Shqipëri, tetë muaj pas aksionit të bujshëm të qeverisë kundër pallateve në shkelje të lejeve të ndërtimit, kompanitë ndërtuese janë rikthyer në kantieret e konfiskuara. Sipas një investigimit në terren të rrjetit të gazetarisë investigative Birn kompanitë vazhdojnë punimet për ngritjen e pallateve, edhe pse nuk kanë një leje të reja ndërtimi. Ish presidenti Donald Trump pritet t’u dorëzohet sot autoriteteve të Xhorxhias për t’u përballur me akuzat për përpjekjet për përmbysjen e zgjedhjeve të vitit 2020 këtë shtet.