Ish-presidenti Donald Trump pritet të dalë sot para gjykatëses për t'u deklaruar ose jo fajtor mbi akuzat e ngritura ndaj tij. Ai akuzohet për përpjekje për të përmbysur rezultatin e zgjedhjeve të vitit 2020, që rezultuan në protestën e dhunshme të përkrahësve të tij ndaj Kapitolit. Në Kosovë, Gjykata Komerciale vendosi të shtyjë zbatimin e vendimit të qeverisë për t’i pezulluar certifikatën e biznesit televizionit Klan Kosova, deri në një vendim përfundimtar të gjykatës. Papa Françesku vazhdon vizitën e tij në Portugali. Dje ai u takua me viktimat e abuzimit seksual nga kleri katolik, gjashtë muaj, pasi një raport mbi këtë çështje tronditi Portugalinë. Sot ai bisedoi me të rinjtë ku i nxiti për të luftuar pabarazitë ekonomike