Çështja Klan Kosova, paqartësi dokumentesh. Dokumenti që ka parë Zëri i Amerikës nga regjistri i bizneseve në Maqedoninë e Veriut tregon se kompania ka si adresë Kosovën. Ministria e Tregtisë në Kosovë paraqet adresën si person fizik të pronarit, e cila figuron në Serbi. Analistët në Maqedoninë e Veriut japin vlerësimin e tyre, pasi Kryetari i Bashkimit Demokratik për Integrim, Ali Ahmeti ofroi dorëheqjen e ministrave të partisë së tij, me kusht që partia më e madhe opozitare maqedonase, VMRO-DPMNE të votojë pro ndryshimeve të kushtetutës. Në Shqipëri fermerët po hasin vështirësi në shitjen e grurit për shkak se çmimi i tregut është thuajse i njëjtë me kostot e prodhimit. Do të sjellim një material të zgjeruar me vështirësitë që ata po hasin nga situata e krijuar nga agresioni rus në Ukrainë, por edhe nga probleme të tjera.