Në Shqipëri, një operacion i drejtuar nga Prokuroria e Posaçme çoi sot në arrestimin e drejtuesit të Prokurorisë së Kukësit Xhevair Lita, ish drejtorin e Forcës operacionale në polici Oltion Bistri, biznesmenin Pëllumb Gjoka, ish punonjës policie dhe emra të njohur të botës së krimit. Arrestimet kanë ardhur pas hetimit të disa vrasjeve, ky dyshohet të jetë i përfshirë dhe Elvis Martinaj, një eksponent i krimit të organizuar, i cili rezulton prej kohësh i zhdukur. Raporti i fundit i Departametit te Shtetit per Klimen e Investimeve thekson se megjithëse përparimet, Shqipëria vazhdon të jetë vend i vështirë për të bërë biznes për investitorët e huaj për shkak të korrupsionit në sektorin publik dhe gjyqësor. Shkencëtarët parashikojnë se muaji korrik do të jetë më i nxehti i regjistruar ndonjëherë në shkallë globale. Gjetjet e nje studimi nga shkencëtarët britanikë, tregojnë se ekspozimi ndaj temperaturave të larta, ka ndikim dramatik tek shëndeti i njeriut.