BE mori vendim pas një hetimi të nisur nga Zyra evropiane kundër mashtrimit, nën dyshimet për korrupsion dhe parregullsi në lëvrimin e fondeve nga ana e autoriteteve shqiptare. Në Bruksel përfundoi takimi mes përfaqësuesve të Kosovës dhe të Serbisë me të dërguarin evropian Miroslav Lajçak. Diskutimet u përqendruan tek zbatimi i marrëveshjeve të arritura se fundmi në Bruksel dhe Ohër mbi normalizimin e marrëdhënieve mes dy vendeve, si dhe masave për shtensionim të situatës në veri të Kosovës. Në një intervistë për Zërin e Amerikës, senatori amerikan Chris Murphy i bëri thirrje Kosovës dhe Serbisë, të angazhohen për shtensionimin e situatës në komunat në veri të Kosovës përmes organizimit dhe mbajtjes së zgjedhjeve të reja.