Tre pjesëtarët e policisë të kapur me 14 qershor nga forcat serbe u kthyen sot në Kosovë. Ngjarja rriti edhe më tej tensionet mes Prishtinës dhe Beogradit. Udhëheqësit në Kosovë e mirëpritën vendimin, por bënë thirrje për ndëshkim të veprimeve të Serbisë, për shkelje të tërësinë territoriale të Kosovës. Por Beogradi ngul këmbë se policët janë kapur brenda territorit serb. Në Shqipëri Gjykata e Posaçme la sot në fuqi masën e arrestin me burg për ish kryetarin e Bashkisë së Kukësit Safet Gjici dhe atë të arrestit në shtëpi, për Alma Koçin, gruan e cila u shfaq në një video duke kryer marrëdhënie seksuale me të në zyrën e tij. Por sot kjo gjykatë refuzoi kërkesën e kryetari të zgjedhur të bashkisë së Himarës Fredi Beleri, për të marrë pjesë në mbledhjen e këshilli bashkiak, ku do të bënte betimin si kryetar. NATO e cilëson rebelimin e grupit ‘Wagner', pasojë të gabimit strategjik të Presidentit rus për të sulmuar Ukrainën.