Moska dënoi me 25 vjet burg kritikun e Kremlinit, Vladimir Kara-Murza, dënimi më i ashpër, që kur Rusia filloi agresionin ushtarak në Ukrainë. Politikani opozitar u shpall fajtor për tradhëti dhe vepra të tjera penale, akuza që ai i ka hedhur poshtë. Përpara arrestimit, zoti Kara-Murza tha se Rusia po drejtohet nga një regjim vrasësish. Shtyhet me një ditë fillimi i procesit gjyqësor kundër rrjetit televiziv ‘Fox News’, akuzuar për shpifje lidhur me zgjedhjet presidenciale të 2020. Kompania “Dominion”, e cila prodhon pajisje elektronike për numërimin elektronik të votave, kërkon një dëmshpërblim prej 1.6 miliardë dollarësh, për prishje të imazhit dhe përhapje të të pavërtetave në kurriz të saj. Një material i përgatitur nga rrjeti i gazetarëve investigativë ‘Birn’ ku ngrihen pikëpyetje mbi vërtetësinë e raporteve të vetëmonitorimit mjedisor, nga ana kompanive të industrisë së rëndë në qytetin e Elbasanit.