Të paktën 36 persona humbën jetën pas përplasjes së një treni pasagjerësh me një tren mallrash në pjesën veriore të Greqisë. Ende nuk është i qartë shkaku i aksidentit. Takimi i së hënës në Bruksel, ku udhëheqësit e Prishtinës dhe Beogradit u pajtuan për një marrëveshje të mundshme, po shihet si një fitore e Perëndimit, që po përpiqet të frenojë ndikimin e Rusisë ndaj Serbisë. Analistët shpjegojnë se si mund të arrihet një gjë e tillë, në kushtet kur Moska nuk duket të ketë hequr dorë nga synimi për të mbajtur Serbinë larg Bashkimit Evropian dhe NATO-s. Në Shkup u mbajt Forumi Ekonomik rajonal me pjesëmarrjen e kryeministrave të Maqedonisë së Veriut, Kosovës dhe Malit të Zi, si dhe një numër diplomatësh e ekspertësh për të diskutuar mbi bashkëpunimin në fushën e energjetikës, ekonomisë dhe sigurisë. Forumi u ndal tek agresionin rus në Ukrainë dhe pasojat e tij në Ballkanin Perëndimor.