Ambasadori amerikan në Prishtinë Jeff Hovenier e mirëpriti vendimin e Kosovës për të pranuar në parim propozimin e Bashkimit Evropian për normalizimin e marrëdhënieve me Serbinë, që sipas tij do të sjellë përfitime për të dyja vendet. Në Shqipëri, gjykata konfirmoi sot masën e arrestit me burg për ish zyrtaren Alda Klosi, në banesën e së cilës u vodhën 120 mijë euro dhe 30 mijë dollarë, nga Rozeta Dobi, pastruesja e saj. Në Tiranë, autoritetet publikuan sot planin strategjik për sigurinë e informacionit, gjashtë muaj pas sulmit kibernetik të Iiranit, ndaj shërbimeve elektronike të Shqipërisë.