Ditari - Rusia vazhdon bombardimet rreth Kievit pavarësisht zotimit për t’i pakësuar

Forcat ushtarake ruse goditën gjatë natës zonat përreth kryeqytetit të Ukrainë dhe Çernihivit, vetëm disa orë pasi Moska u zotua të reduktojë operacionet ushtarake në këto rajone. Zëri i Amerikës bisedoi me dy shtetase nga Ukraina, nënë e bijë, të cilat janë strehuar në Vlorë pas fillimit të luftës në vendin tyre. Ato rrëfejnë dhimbjen për largimin nga atdheu dhe mirënjohjen për mikpritjen e gjetur në qytetin bregdetar. Në Maqedoninë e Veriut statistikat pas procesit të regjistrimit tregojnë se popullsia rezidente në vend është 1 milionë 837 mijë, një ulje prej 10 për qind që nga regjistrimi i kaluar. Nga këta 58.4 për qind janë maqedonas dhe 24.3 shqiptarë.